Aralar mendilerroa

Aralar mendilerroak 208 kilometro koadroko azalera handia du, Nafarroa eta Gipuzkoak partekatzen dutena. Nafarroako ipar-mendebaldean dagoen kareharrizko mendigune handia da, eta bertan nahasian ageri dira lapiaz, haran itsuak, leizeak eta kobazuloak, beti berde dauden larre eta kolore amaigabeko pagadi lasaiekin tartekatuta.

Aralar mendilerrora iparraldetik irits daiteke Lekunberritik, Iribasitik edo Astitzetik, eta hegoaldetik berriz, Uharte-Arakildik, Artzai Eguna edo artzain-txakur eguna ospatzeagatik ezaguna den herritik. Nafarroako Pirinioetako paraje honek urte-sasoi bakoitzean irudi ahaztezinak eta gozatzeko aukera ugari eskaintzen ditu.

Zailtasun-maila ezberdinetako ibilbideak, San Migel Santutegikoaren moduko begiratoki naturaletarako igoera leunak, Iribas bezalako erreka-iturburuak, mendilerroaren barrualdean ezkutuan bidaiatzen dutenak, duela mende askotako bizitzen lekuko diren dolmenak, Mendukiloko (Astitzen) kobazuloak Aralarren bihotzera gerturatzen gaituztenak, eta Teodosio Goñiren bezalako kondairak... Azken batean, Pirinioetako paisaia magiko hau are zoragarriago egiten duten altxor multzo bat.